კინორეჟისორი ლანა ღოღობერიძე სოციალურ ქსელში “ოცნების” მიერ ხელახლა დაინიციირებულ გამჭვირვალობის კანონს ეხმაურება.
კინორეჟისორი განმარტავს, რომ მოცემული ინიციატივა კითხვის ნიშნებს აჩენს არა რუსეთის, არამედ საქართველოს სტრატეგიული პარტნიორების მიმართ.
აქედან გამომდინარე, როგორც ხელოვანი აცხადებს, ხელოვანი ქართველი ხალხი მმართველ პარტიას კანონპროექტის დამტკიცების საშუალებას არ მისცემს.
„ამ კანონის მიღების მცდელობა ერთხელ უკვე იყო. მის ახლად მიღებას არ დავუშვებთ, იმიტომ, რომ ის ეჭვქვეშ აყენებს არა ჩვენს რეალურ მტერს – რუსეთს, არამედ ჩვენს მეგობრებს – ევროპას და შეერთებულ შტატებს, რომლებიც მთელი ჩვენი დამოუკიდებლობის მანძილზე, აფინანსებენ, თან სრულიად გამჭვირვალედ, უამრავ, ხალხისთვის სასარგებლო პროგრამას.
ეს ყველაფერი ერთი წლის წინ უკვე გამოვიარეთ. იმ დროიდან საქართველოს ისტორიაში დარჩა გამარჯვების უმშვენიერესი ხატი: ქალი ევროპის დროშით ხელში, წყლის ჭავლის ქვეშ, და დროშა ფრიალებს!
ამ დროშას არ დავუშვებთ – ეს ქართველი ხალხის ნებაა”, – ვკითხულობთ განცხადებაში.