თბილისში, გორგასლის ქუჩაზე საცხოვრებელ კორპუსთან 15 წლის მოზარდმა მეშვიდეკლასელ ბიჭი მუცლის არეში დანით დაჭრა.
13 წლის მოზარს ჭრილობები ღვიძლში აქვს მიყენებული.
15 წლის მოზარდმა ღვიძლში დანა დაარტყა, ცივი იარაღი მუცელში ჩაუტოვა და ადგილიდან მიიმალა.
13 წლის მამიკონ შამოიანის დეიდა “კურიერს” უყვება, თუ როგორ გაუსწორდნენ არასრულწლოვანს სასწავლო პროცესის დასრულების შემდეგ.
დანაშაულში მხილებული 15 წლის არასრულწლოვანი სამართალდამცველებმა ცხელ კვალზე დააკავეს და ბრალი ჯანმრთელობის განზრახ მძიმე დაზიანების მუხლით წარუდგინეს.
“კურიერის” მიერ მოპოვებულ კადრებში ჩანს, თუ როგორ გადაჰყავთ არასრულწლოვანი ბრალდებული წინასწარი დაკავების იზოლატორში.
გორგასლის ქუჩის 2 ნომერთან მოვლენები იმდენად სწრაფად განვითარდა, რომ ადგილობრივებმა მომხდარის შესახებ მხოლოდ პოლიციის მისვლის შემდეგ შეიტყვეს. ამბობენ, რომ კონფლიქტის ხმა არ გაუგიათ.
ფაქტის შესახებ დაჭრილი მოზარდის დედამ მასწავლებლისგან შეიტყო. ადგილზე მისულ მშობელს შვილი კლინიკაში გადაყვანილი დახვდა. ოჯახი დამნაშავის უმკაცრესად დასჯას ითხოვს.
დაჭრილი მეშვიდე კლასელი კლინიკაში ტაქსის მძღოლმა გადაიყვანა. სამედიცინო დაწესებულებაში ამბობენ, რომ მოზარდს მუცლის ღრუში შემავალი ჭრილობა აღენიშნებოდა, რის გამოც მას გადაუდებელი ოპერაცია ჩაუტარდა.
რა გახდა 13 წლის მოზარდის დაჭრის მოტივი – გამოძიება რამდენიმე ვერსიას განიხილავს, მათ შორის მეგობრების ორ ჯგუფს შორის, გოგოს გამო დაწყებულ კონფლიქტს. ახლა გამოძიება ადგენს, იკვეთება თუ არა საქმეში სხვა პირების პასუხისმგებლობა.
სასამართლომ 15 წლის ბრალდებულს წინასწარი პატიმრობა უკვე შეუფარდა.