ქალწული
როგორც ასტროლოგები ამბობენ, 2024 წლის გაზაფხული თქვენს პირად ცხოვრებასა და ურთიერთობებში არაერთ სიახლესა და ცვლილებას შემოიტანს. მეტიც, შესაძლოა, შეხვდეთ ადამიანს, რომელიც განსაკუთრებით შეგიყვარდებათ. თუმცა, ქალწულებს ყველაფრის გადამოწმება უყვართ და როგორც წესი, საკუთარი მკაცრი რუტინა და განრიგი აქვთ. ამავდროულად, უჭირთ ემოციებისა და გრძნობების გამოხატვა. ამიტომაც, ახალ ურთიერთობაშიც შესაძლოა, თქვენი გრძნობები სათანადოდ ვერ გამოხატოთ და მნიშვნელოვანი ადამიანი დაკარგოთ. ნუ შეგეშინდებათ სიახლეების. დაუთმეთ დრო სიყვარულს და აივსეთ დადებითი ემოციებით. წინააღმდეგ შემთხვევაში, თავს ცუდად იგრძნობთ და დანაშაულის განცდაც შეგაწუხებთ.
სასწორი
2024 წლის აპრილში შესაძლოა, სევდა და უიმედობა იგრძნოთ და ყველაფერი, რასაც აკეთებთ, მოსაწყენად და მოძველებულად მოგეჩვენოთ. დაკარგოთ მოტივაცია და შფოთვამ შეგაწუხოთ. ეს ნიშანია, რომ თქვენი ცხოვრების სტილი უნდა შეცვალოთ. წინააღმდეგ შემთხვევაში, ცხოვრებას ნაცრისფერ ფერებში დაინახავთ და მიზნების მიღწევა გაგიჭირდებათ. თუ სამსახურსა და ვალდებულებებს დიდ დროს უთმობთ, გაიხსენეთ, რომ თქვენს თავსაც სჭირდება ზრუნვა. წადით გასართობად, განიტვირთეთ, მიირთვით საყვარელი კერძი, უყურეთ საყვარელ გადაცემას. ასევე, დაფიქრდით, სხვადასხვა სფეროში ცვლილებების დრო ხომ არ მოვიდა? ასე მოტივაციას კვლავ იპოვით და მიზნების მიღწევასაც შეძლებთ.
თევზები
ზოდიაქოს ამ ნიშნის ბევრი წარმომადგენელი შესაძლოა, უკვე დიდი ხანია ფიქრობს, რომ ,,დინებას მიჰყვება“. 2024 წლის აპრილი რადიკალური ცვლილებებისა და ტრანსფორმაციის თვე იქნება და კარიერაზე, არსებულ საქმესა და პოზიციაზე სერიოზულად დაფიქრდებით. არ არის გამორიცხული, სამსახურში კონფლიქტიც შეგხვდეთ. ის, რომ უკეთესობისკენ ცვლილება გადაწყვიტეთ, ძალიან კარგია, თუმცა მნიშვნელოვანია, თვის განმავლობაში საკუთარი ემოციები გააკონტროლოთ. მომატებულმა შფოთვამ შესაძლოა, უსაფუძვლო კამათი გამოიწვიოს და კონფლიქტური სიტუაცია შექმნას. შეეცადეთ, იმპულსური გადაწყვეტილებები არ მიიღოთ და თითოეული ნაბიჯი კარგად შეაფასოთ.
წყარო: “ბომოდნი”