“მოედანზე გაიმარჯვებს ძლიერი და იმედია, რომ ეს ძლიერი ნაკრები ჩვენ ვიქნებით” – ამის შესახებ საქართველოს ნაკრებისა და “ნაპოლის” ფეხბურთელმა ხვიჩა კვარაცხელიამ განაცხადა.
მისი თქმით, ის თამაშზე მაქსიმუმს გააკეთებს და ნაკრებს გამარჯვებაში დაეხმარება.
“ვფიქრობ, კარგ კონდიციებში ვარ, ნაკრებს ჩემს მაქსიმუმს დავახმარ და იმედია, რომ გამარჯვებაში დავეხმარები… არ აქვს მნიშვნელობა, იმ თამაშში გოლს ვინ გაიტანს, მთავარია, რომ საბრძოლველად გავიდეთ მოედანზე და გამარჯვება მოვიპოვოთ… იმ მოედანზე გაიმარჯვებს ძლიერი და იმედია, რომ ეს ძლიერი ნაკრები იმ დღეს ჩვენ ვიქნებით. მათ [საბერძნეთის ეროვნულ ნაკრებს] პატივს ვცემთ, ვიცით მათი სიძლიერე, მაგრამ არ ვფიქრობ, რომ ვინმეს გაუხარდება საქართველოში ფინალის თამაში ამდენი გულშემატკივრის წინაშე.” – აცხადებს ხვიჩა კვარაცხელია.