სრულიად საქართველოს კათოლიკოს-პატრიარქი ბულგარეთის მართლმადიდებლური ეკლესიის წმინდა სინოდს სამძიმარს უცხადებს ბულგარეთის პატრიარქის გარდაცვალების გამო. ინფორმაციას საქართველოს საპატრიარქოს საზოგადოებასთან ურთიერთობის სამსახური სოციალურ ქსელში ავრცელებს.
“ბულგარეთის მართლმადიდებელი ეკლესიის წმინდა სინოდს:
▪️ მისი უწმინდესობის, ბულგარეთის პატრიარქ ნეოფიტეს, გარდაცვალება დიდი დანაკლისია როგორც თქვენი ეკლესიისა და სახელმწიფოსთვის, ისე მსოფლიო მართლმადიდებელი სამყაროსათვის.
▪️ მან პირველიერარქის რანგში 11 წელი იმოღვაწევა, თუმცა თავისი ცხოვრება ახალგაზრდობიდანვე ეკლესიას დაუკავშირა და თავდაუზოგავი შრომით წარუშლელი კვალი დატოვა ქვეყნის ცხოვრებაშიც და საერთაშორისო ასპარეზზეც.
▪️ ვუსამძიმრებთ ბულგარეთის ეკლესიის წმინდა სინოდს, სასულიერო და საერო დასს და საქართველოს ეკლესიისა და პირადად ჩემი სახელით გამოვთქვამთ მწუხარებას მომხდარის გამო. ამასთან შევთხოვთ ყოვლადმოწყალე უფალს, სავანე მართალთა დაუმკვიდროს უწმინდეს ნეოფიტეს უკვდავ სულს და წიაღსა შინა აბრაამისასა განუსვენოს მას.” – ნათქვამია სამძიმრის წერილში.