მორიგი ძარცვის სამიზნე ალკოჰოლური სასმლის შოურუმი “პრემიუმ ალკო” გახდა. კონკრეტული მაღაზია მეშვიდედ გატეხეს – ალკოჰოლური სასმლის შოურუმიდან სალარო აპარატი და ელექტროსიგარეტების სტენდია გატანილი. შემთხვევა შუაღამისას მოხდა. კამერების ჩანაწერებით ირკვევა, რომ მაღაზიაში ორი შენიღბული პირი შეიჭრა და სალარო გაიტანეს. არსებობს დასაბუთებული ეჭვი, რომ სავარაუდო მძარცველები არასრულწლოვანები არიან.
“პრემიუმ ალკოს” წარმომადგენელი აცხადებს, რომ მიუხედავად დანაშაულის არაერთი ფაქტისა, არასრულწლოვანების დაჯგუფება ამ დრომდე დაუსჯელია. საქმეზე გამოძიება საქართველოს სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.