საქართველოს პრეზიდენტმა, სალომე ზურაბიშვილმა ორბელიანების სასახლეში მის ისლანდიელ კოლეგას, გუდნი იოჰანესონს უმასპინძლა. შეხვედრის შემდეგ, მათ ერთობლივი ბრიფინგი გამართეს.
“როცა პირველად შევხვდი ქართველ მეგობრებს, მითხრეს, რომ ჩემი სახელი გუდნი იოჰანესონი ქართულ ენაზე ითარგმნებოდა, როგორც გუდუნა ივანიშვილი – მოხარული ვიქნები, ამ სახელით ვიყო ცნობილი საქართველოში” – ამის შესახებ ისლანდიის რესპუბლიკის პრეზიდენტმა, გუდნი იოჰანესონმა სალომე ზურაბიშვილთან შეხვედრის შემდეგ განაცხადა, რომელიც საქართველოში ოფიციალური ვიზიტით იმყოფება.
“მახსოვს, როდესაც ჩემს ქართველ მეგობრებს პირველად შევხვდი, მათ მითხრეს, რომ ჩემი სახელი და გვარი ქართულ ენაზე ითარგმნებოდა, როგორც გუდუნა ივანიშვილი. და მე მოხარული ვიქნები, რომ მომდევნო დღეების განმავლობაში, საქართველოში ამ სახელით ვიყო ცნობილი.
მოხარული ვარ, რომ ქვეყნის დათვალიერების საშუალება დედაქალაქის მიღმაც მოგვეცა. ვინაიდან, საერთაშორისო ვიზიტით ჩვენთან ჩამოსულ დიპლომატებს მე ყოველთვის მოვუწოდებ, დედაქალაქის გარეთ გავიდნენ. ასე რომ, გუდუნა ივანიშვილი მოხარულია, რომ ის დღეს საქართველოშია. ასევე, ჩემმა ქართველმა მეგობრებმა რამდენიმე ფრაზა მასწავლეს, რომელიც არასოდეს დამავიწყდება – მე შენ მიყვარხარ”. – თქვა ისლანდიის პრეზიდენტმა.