“მოსამართლეს სხდომის დარბაზში შემოსვლისას ფეხზე წამოუდგა, პირჯვარი გადაიწერა და სამუდამოდ დაგვტოვა ” – ადვოკატის ტრაგიკული დაღუპვის ამბავი

ადვოკატი ია რეხვიაშვილი სასამართლო დარბაზში პროფესიული საქმიანობის შესრულების დროს მოულოდნელად გარდაიცვალა.

ქალბატონი ია თითქმის 30 წელია ერთგულად ემსახურებოდა იურიდიული პროფესიის განვითარებასა ადამიანის უფლებების დაცვას.

ახალგაზრდა ქალს სოციალურ ქსელში ემოციურად ემშვიდობებიან.

“დღეს სასამართლო სხდომის დარბაზიდან ცაში გაგვიფრინდა ჩვენი ლამაზი მეგობარი, ნიჭიერი , ჭკვიანი, გონიერი, მიხვედრილი კვალიფიციური ადვოკატი, კეთილი, სათნო, ერთგული ადამიანი – ია რეხვიაშვილი. მოსამართლეს სხდომის დარბაზში შემოსვლისას ფეხზე წამოუდგა, პირჯვარი გადაიწერა და სამუდამოდ დაგვტოვა. უფალმა ნათელში ამყოფოს მისი ალალი სული. ვუსამძიმრებ ოჯახს, ნათესავებს, ახლობლებს, მეგობრებს, კურსელებს ამ უდიდეს დანაკლისს”