თბილისის „დინამოს“ ლეგენდარული ფეხბურთელის, ტრაგიკულად დაღუპული ვიტალი დარასელიას შვილიშვილი, ლიზი დარასელია, ფართო საზოგადოებამ ცოტა ხნის წინ გაიცნო.
ის გადაცემა „გვაჩვენე შენი ხმის“ აღმოჩენა გახდა.
დარასელიამ ჟურნალ „სარკეს“ ინტერვიუ მისცა, სადაც ოჯახის შესახებ ისაუბრა.
„როცა დავიბადე, ჩემი ფოტო მაშინ ერთ-ერთ გაზეთში გამოაქვეყნეს, ვიტალი დარასელიას შვილიშვილი დაიბადაო. მოგვიანებით, ჩვენს ოჯახში ბიჭიც დაიბადა, ჩემი უმცროსი ძმა, ვიტალი დარასელია.მას სერიოზული პერსპექტივები აქვს ფეხბურთში. ვეუბნები, რომ ჩვენი ბაბუა უნდა ასახელოს… ბაბუას ჩემს ძმას უფრო ამსგავსებენ, ამბობენ, ფეხბურთის თამაშით ჰგავსო. ბაბუას მსგავსად, ძალიან შრომისმოყვარე ვარ. ყოველთვის ვცდილობ, ბევრი ვიშრომო, რადგან ვიცი, შრომა ფასდება… ძალიან ვამაყობ, რომ ვიტალის შვილიშვილი ვარ. მის შესახებ ბევრი რამ მსმენია და ბევრი წამიკითხავს…“, – თქვა ლიზამ.