“რუსეთში დააკავეს მღვდელი, რომელიც ნავალნისთვის პანაშვიდის გადახდას გეგმავდა” – რა ინფორმაცია ვრცელდება

რუსეთში დააკავეს მღვდელი, რომელიც ოპოზიციონერი ალექსეი ნავალნისთვის პანაშვიდის გადახდას გეგმავდა.

გრიგორი მიხნოვ-ვაიტენკომ 16 თებერვალს საღამოს განაცხადა, რომ ნავალნისთვის პანაშვიდის გადახდას აპირებდა, მეორე დღეს კი ის სახლიდან გასვლისას დააკავეს.

როგორც გამოცემა Meduza წერს, მოგვიანებით ცნობილი გახდა, რომ მღვდელი პოლიციის განყოფილებიდან ინსულტის დიაგნოზით საავადმყოფოში გადაიყვანეს.

“გრიგორი მიხნოვ-ვაიტენკო ინსულტით საავადმყოფოში მოათავსეს. პოლიციის 43-ე განყოფილებაში მისმა ადვოკატმა სასწრაფო დახმარება გამოიძახა. გრიგორი საავადმყოფოში გადაიყვანეს და მისი ჰოსპიტალიზაციის გადაწყვეტილება მიიღეს” – განაცხადა დეპუტატმა ბორის ვიშნევსკიმ.
წყარო – “მთავარი არხი”