“გავიგე, რომ არ აქვს არც იმის შნო ამ ქართულ ოცნებას და არც სურვილი რომ დაემსგავსოს ისრაელს და თავის ბატონს” – რას წერს დავით ქაცარავა

ანტისაოკუპაციო მოძრაობის ლიდერი, დავით ქაცარავა, სოციალურ ქსელში ახალ პოსტს აქვეყნებს.

„დღეს კვაზი-წარმონაქმნის ე.წ. მეთაურმა მაინც გაბედა და დანიშნა ახალგორში არჩილ ტატუნაშვილის მკვლელი, დავით გურწიევი ახალგორის პროკურორის მოადგილედ და თან შეუთავსა ახალგორის პროკურორის მოვალეობის შემსრულებლის უფლება -მოვალეობები.
გავიგე, რომ არ აქვს არც იმის შნო ამ ქართულ ოცნებას და არც სურვილი რომ დაემსგავსოს ისრაელს და თავის ბატონს, კრემლში მომჯდარ ხუილოს ვერ უბედავს ერთ გადაბრუნებულ სიტყვასაც კი, არათუ ტატუნაშვილის მკვლელის ყურით ჩამოთრევას და პასუხისგებაში მიცემას.
იმდენიც კი ვერ და არ გაქაჩა ამ კოლაბორაციონისტმა, მოღალატე მთავრობამ, რომ ამ მკვლელი და ნაძირალა გურწიევის დანიშვნას ახალგორში ხელი არ შეუშალა.
მოკლედ, ამ ეტაპზე, ქართველი გმირის, არჩილ ტატუნაშვილის მკვლელი დაინიშნა ახალგორში ჩვენი ქართული მოსახლეობის დასაწიოკებლად, ეს მთავრობა კი აგრძელებს რუსების ყურმოჭრილ, უტყვ მონად მსახურს“, – წერს ის.