ჟურნალისტი არჩილ გამზარდია მამა პეტრე კოლხისთვის მღვდელთმსახურების შესაძლო შეჩერებას ეხმაურება.
„არ ელაპარაკება ე.წ. მიტრ შიოს და ე.წ. დეკ. ჯაღმაიძეს.
მედიაში მისასვლელად მონურ მორჩილებას არ გამოხატავს საპატრიარქოს უზურპატორებთან და თავად იღებს გადაწყვეტილებებს.
ე.წ. სინოდალური კომისია, რომლის მსგავს მახინჯ წარმონაქმნს საეკლესიო ცხოვრება არ იცნობს და ჩვენთან ითავსებს მთელი სინოდის და პატრიარქის ფუნქციასაც კი, მხოლოდ იმას ვერ პატიობს სასულიერო პირებს, მათ შორის პეტრე კვარაცხელიასაც, რომ არ ემონება კონკრეტულ სასულიერო უზურპატორებს.
ესაა მთელი ამბავი.
საქართველოს მართლმადიდებელი ეკლესია ამჟამად უზურპატორი პირების ხელშია და ყველას ანადგურებენ, ვინც მათ არ ემორჩილება“, – აღნიშნავს ის.