თბილისის მერის მოადგილემ, ირაკლი ხმალაძემ, საზოგადოებრივი ტრანსპორტის მარშრუტებისა და განრიგის შესახებ ისაუბრა.
„საზოგადოებრივი ტრანსპორტის მარშრუტები და განრიგი ტრანსპორტირების საჭიროებიდან გამომდინარე დგება. ჩვენ ამას მუდმივად ვაკვირდებით და საზოგადოებრივ ტრანსპორტს საზოგადოების საჭიროებებს ვარგებთ. ამ შემთხვევაში, თუ წარმოიშობა საჭიროება, რომ დაემატოს საათები, ჩვენ მზად ვართ, ეს გავაკეთოთ. ჩვენი პოლიტიკაა, რომ საზოგადოებრივი ტრანსპორტის მიწოდება იყოს უმაღლეს დონეზე და ამისთვის მუნიციპალიტეტმა საკმაოდ ბევრი რამ გააკეთა. დაიხარჯა საკმაოდ დიდი თანხები და არაფერს დავინანებთ მომავალშიც…
მე არ ვფიქრობ, რომ შუაღამით საზოგადოებრივი ტრანსპორტი უნდა დადიოდეს. თუმცა საჭიროების შემთხვევაში მზად ვართ დავნიშნოთ. 2- 5 ადამიანის გამო საზოგადოებრივ ტრანსპორტზე რეისებს ვერ დავნიშნავთ. ეს არ იქნება სწორი გადაწყვეტილება, რადგან იქნება დიდი დანახარჯები, ნაკლები სარგებლით“, – განაცხადა ხმალაძემ.