სოციალური ქსელის მომხმარებელი, სოფო ბაკურიძე, facebook-ზე რუსთავში, სტამბოლის ბაზარში, რამდენიმე დღის წინ მოკლულ ადამიანებთან დაკავშირებით, პოსტს აქვეყნებს.
„რუსთავის ბაზარში გარდაცვლილ დათოს არსენას, ნოდარის და პაატას ოჯახებს ვუსამძიმრებთ და ვიზიარებთ თქვენს დიდ ტკივილს“, – წერს ის.
შეგახსენებთ, რამდენიმე დღის ეინ რუსთავში, ე.წ. სტამბოლის ბაზრობის ტერიტორიაზე შეიარაღებულმა პირმა ცეცხლი გახსნა. სროლის შედეგად მოკლულია ოთხი პირი, მათ შორის ერთ-ერთი ბრალდებულის ბიძაა, რომელიც აღნიშნულ ბაზარში იყო დასაქმებული. ხოლო დაჭრილია ერთი პირი, ბრალდებულის ბიძაშვილი.
შსს-ის ცნობით, ბაზრის ტერიტორიაზე რამდენიმე გასროლა განახორციელა 1988 წელს დაბადებულმა გ.ო.- მ. სამართალდამცველებმა გ.ო. შემთხვევის ადგილზე დააკავეს.
„ტვ პირველის“ წყაროს ცნობით, მამაკაცს კონფლიქტი ჰქონდა ბიძასთან, რომელმაც სამსახურიდან გაუშვა და, შურისძიების მიზნით, თავს დაესხა მას.
არსებული ინფორმაციით, კაცი, რომელიც ოთხი ადამიანის მკვლელობაშია მხილებული, ფსიქიატრიულ დაწესებულებაში მკურნალობდა. ეჭვმიტანილმა კლინიკა ორი თვის წინ დატოვა.