გუშინწინ ღამით, ბაღდათის მუნიციპალიტეტში, სოფელ ნერგეეთში, მეწყერი ჩამოწვა.
შედეგად, 9 ადამიანი დაიღუპა.
მათ შორის არიან ტყუპები, ანა და ქეთი რობაქიძეები.
სტიქიის ემსხვერპლნენ ასევე მათი ძმა – დავითი და მამა – გია.
ანა და ქეთი მეცხრე კლასის მოსწავლეები იყვნენ.
„მეხუთე კლასში იყვნენ გოგონები, იტალიაში რომ წავიდა, მეზობლები ვართ და ხშირად მწერდა ხოლმე. მათი სახლის სახურავი მდინარის მეორე ნაპირზე გდია. გასწორებულია მაგათი ეზო მიწასთან. ისეთი კარგი ბავშვები იყვნენ, მაგათით მიხაროდა სკოლაში შესვლა,“ – ამბობს ხათუნა ხიზაინეიშვილი, გარდაცვლილი ბავშვების პედაგოგი, „ამბებთან“ ინტერვიუში.