ბაღდათში, სტიქიის ეპიცენტრში კიდევ ერთი ცხედარი იპოვეს

ბაღდათში კიდევ ერთი ცხედარი იპოვეს. ინფორმაციას საგანგებო სიტუაციების მართვის სამსახური ადასტურებს.
სტიქიის შედეგად გარდაცვლილთა რიცხვი 9-მდე გაიზარდა.
ბაღდათის მუნიციპალიტეტში, სოფელ ნერგეეთში, მდინარე ხანისწყლის მარჯვენა ფერდობზე მეწყერი ჩამოწვა, მიწის მასის ქვეშ 4 სახლი მოყვა, რასაც ბოლო ინფორმაციით, 9 ადამიანი ემსხვერპლა. დამეწყრილი ტერიტორიიდან ერთი ადამიანის ცოცხლად გამოყვანა შეძლეს.