ჟურნალისტი თათია ზუხბაია სოციალურ ქსელში „იმედის“ დაღუპული ოპერატორის, მიშო ბიძინაშვილის შესახებ ემოციურ პოსტს აქვეყნებს.
„მიწაში ჩაფლულებზე…
ემიგრანტი დედის გულზე აღარ მინდა ფიქრი, იმ საშინელმა სიკვდილის ჩიტებმა, შვილები რომ გამოგლიჯეს, ერთი კი არა, სამივე….
მერე ამასაც არ დასჯერდნენ, მიწიდან ცაში აიჭრნენ, მრავალგზის გამოცდილ, მფრინავებზე, სწრაფები და მოქნილები… ისევ ის საშინელი ჩიტები გამოდგნენ..
გულს გაგიბზარავს იმაზე ფიქრი, თუ რას ხედავდა და რას შეიძლება გრძნობდა , ჩემი კოლეგა, ღიმილიანი და თავაზიანი მიშო.
ან რა კადრები ინახება, იმ კამერაში, რომელმაც მასთან ერთად იფრინა, და რომელსაც ბოლომდე პროფესიულად უერთგულა.
ვინ რა იცის, ქვემოთ მომლოდინე იმ ჟურნალისტის გულში რა ხდება, წამებში წლების მეგობარი რომ გაუფრინდა…
ან ის მძღოლი რას ფიქრობს,მივლინებიდან ერთით ნაკლები ადამიანით, რომ დაბრუნდა..
რა საზარელი დღეა“, – წერს ის.
შეგახსენებთ, გუშინ, საჰაერო ბურთის ჩამოვარდნის შედეგად, მიშო ბიძინაშვილი და ორი მფრინავი დაიღუპა.