ჩილეში, ვალპა-რაიოსის რეგიონში, ტყის ხანძრის შედეგად 10 ადამიანი დაიღუპა. ინფორმაციას Aljazeera ავრცელებს.
გამოცემის ცნობით, მეხანძრეები ჯამში ცეცხლის 185 კერას აქრობენ, თუმცა სამუშაოებს მაღალი ტემპერატურა და ძლიერი ქარი აფერხებს.
დედაქალაქის სამხრეთ-დასავლეთით, ხანძრის შედეგად 30-მდე სახლი დაიწვა. ეროვნული სატყეო ორგანოს ცნობით კი, დამწვარია დაახლოებით 7000 ჰექტარი.
ჩილეს პრეზიდენტმა, გაბრიელ ბორიჩმა ქვეყანაში საგანგებო მდგომარეობა გამოაცხადა, რათა ხანძრის ჩასაქრობად ყველა საჭირო რესურსი იყოს ხელმისაწვდომი.