ჟურნალისტი ვიკა ბუკია სოციალურ ქსელში ახალ პოსტს აქვეყნებს.
„ივანიშვილი მოსკოვში გაიქცა და ჩვენ წკეპლით მივსდევდით დაბნეულ პაპუაშვილს (ამას არ უთხრეს).
პარლამენტში ათასი პარტიისა და ჯურის ხალხი ირეოდა.
უკრაინამ ყველა სოფელში თავისი დროშა დაარჭო ისევ და რუსეთის სოფლებზე გადავიდა.
მალევე, მოსკოვის ცენტრში პუტინის მავზოლეუმი გაიხსნა, შიგ მკვდარი პუტინით, რომელიც რუსმა რევოლუციონერებმა დაარბიეს.
ტრამპის გამოსვლები ანჯელინა ჯოლიზე ჰარასმენტის გამო დაბლარეს, ვითომ არც ყოფილა.
ევროკავშირში შევედით. ჩვენი გლეხი მართავდა გაკრიალებულ ტრაქტორს, ჩვენს კაკლებს რაღაც მანქანა ბერტყავდა, ჩვენი ვენახები გეომეტრიულ ნახაზებს გავდა, ჩვენი ბავშვები სკოლებში ფუმფულა ნოხებზე თამაშობდნენ; მასწავლებლები ბავშვების ნაცვლად პოლიტიკოსებს ებლატავებოდნენ.
პენსია არ მკითხოთ! ბებიაჩემს ჩურჩხელების მაგივრად ფულს ვპარავდით და ვერ ხვდებოდა. მურუსიძეობა სადღა იყო? ისწავლებოდა მხოლოდ ცინცხალი ისტორიის საგნად. ხელფასი იყო სამჯერ დიდი ვიდრე ახლა გვაქვს. ფასები სამჯერ ნაკლები. ტენდერებს იგებდნენ ვიღაც სტარტაპერი ღლაპები.
შევიბრუნო ძილი თუ ვუყურო დღეს კობახიძის ოცნების ახდენას?“, – წერს ის.