თერჯოლის საჯარო სკოლა სოციალურ ქსელში სამწუხარო ინფომაციას ავრცელებს.
„არსებობენ ადამიანები, რომლებიც თავიანთი შეგნებული ცხოვრებით ამ წუთისოფლურ ვალს პირნათლად აღასრულებენ და „იქაც მადლმოსილ ბარგს დაიბარგებენ“. ასეთი იყო მაღალზნეობის საარაკო მაგალითი, ცოდნის დიდი ქომაგი, თაობების უანგარო აღმზრდელი, უზადო პედაგოგი და უღალატო მეგობარი ნანა რობაქიძე. მისი სახელი მრავალი წლის განმავლობაში უკავშირდებოდა თერჯოლის #1 საჯარო სკოლის ისტორიას.
ნანა მასწავლებელმა მისეული მაღალპროფესიონალიზმით ყოველგვარი ძალისხმევის გარეშე, ბუნებრივად შთაუნერგა მომავალ თაობებს სიკეთე, სიყვარული, ერთგულება, ურთიერთპატივისცემა და ცოდნის დაუფლების დაუოკებელი წადილი. საკუთარი მაგალითით არაერთ ახალგაზრდაში აღძრა გერმანული ენის სპეციალისტად ჩამოყალიბების სურვილი და შეძლო კიდევაც მისი რეალიზება.
კოლეგათა შორის კი ქალბატონმა ნანამ სამუდამოდ დატოვა კოლეგიალობის, ნდობის კდემის, ერთგულებისა და სიცოცხლის მოტრფიალე მეგობრის სახელი.
თერჯოლის #1 საჯარო სკოლის მწუხარება დღეს უსაზღვროა!
დაე, მარადიული ნათელი დაუმკვიდროს უფალმა „ თაობათა საჩრდილობლად სახელის ხის დამნერგავ“ დაუვიწყარ პედაგოგს, კოლეგასა და მეგობარს…“, – აღნიშნულია პოსტში.