ბელგიის პოლიციამ ქალაქ ანტვერპენში, ერთ-ერთი სახლის სარდაფში ცნობილი მხატვრების, პაბლო პიკასოს და მარკ შაგალის ნახატები იპოვა. ნამუშევრების ღირებულება 900 000 აშშ დოლარს შეადგენს.
პიკასოს “ტეტე” და შაგალის “მამაკაცი ლოცულობს” ისრაელში, თელ-ავივში 2010 წელს ერთ-ერთ კოლექციონერს მოპარეს.
კოლექციონერის სახლიდან ქურდებმა ნახატებთან ერთად 680 000 აშშ დოლარის ღირებულების ძვირფასეულობაც წაიღეს, თუმცა, სამართალდამცველებმა ამ ეტაპზე მხოლოდ ნახატები იპოვეს.
სამართალდამცველების თქმით, ნამუშევრები დაზიანებული არ არის.