“ბევრი დაშავებულია და არიან დაღუპულებიც” – რას წერს ირინა სარიშვილი

“ბევრი დაშავებულია და არიან დაღუპულებიც” – ამის შესახებ ყოფილი პოლიტიკოსი ირინა სარიშვილი წერს.

“აღდგა კავშირი. ველაპარაკე ჩემ ძმას. ამ წუთას სიწყნარეა. რამდენი ხნით არავინ იცის. ბევრი დაშავებულია და არიან დაღუპულებიც.
არ ვიცი, შეიძლება მე გამძაფრებულად განვიცდიდე უკრაინის ამბებს რადგან იქ ჩემი ოჯახის ნაწილი ცხოვრობს და ეს ბუნებრივიცაა, მაგრამ იმის წარმოდგენაც კი მზარავს რომ მე აქ ბედობას ვზეიმობ და იქ, სადაც ჩემი ქვეყნის ბედიც წყდება, ეს ხდება. მე როგორ ვიწუწუნო როცა თვითონ ისინი მხნედ არიან და იქით ჩვენ გვაწყნარებენ ყველაფერი კარგად იქნებაო.
რა თქმა უნდა, ყველა ერი კარგად იქნება, რუსეთი დამარცხდება და სიკეთე გაიმარჯვებს, მაგრამ ვერ ვიგებ, მართლა ვერ ვიგებ რატომ უნდა ბორგავდეს ამდენ ხანს რუსული იმპერიალიზმი როცა ის მთელ მსოფლიოს უპირისპირდება?!
დიდება უკრაინელ ხალხს!”