აშშ-ის საელჩო საქართველოს მოქალაქეებს აფრთხილებს. ინფორმაციას ამის შესახებ სოციალურ ქსელში ავრცელებს.
“ბოლო დროს გახშირდა USAID-ის ლოგოს გამოყენებით, თაღლითური გზით, საქართველოს მოქალაქეებისგან ფულის გამოძალვის შემთხვევები.
ვგმობთ მსგავს ფაქტებს და სათანადო ორგანოებთან ერთად ვმუშაობთ ამ პრობლემის გადაჭრაზე. გთხოვთ დაუყოვნებლივ შეგვატყობინეთ, თუ USAID-ის სახელით დაგიკავშირდნენ და გთხოვეს თანხის გადარიცხვა.
გახსოვდეთ – ეს თაღლითური სქემაა.‼” – აღნიშნულია საელჩოს განცხადებაში.