12 წლის გოგოს სავარაუდო მკვლელის ფოტორობოტზე “უფლებები საქართველო” განცხადებას ავრცელებს

12 წლის გოგოს სავარაუდო მკვლელის ფოტორობოტზე “უფლებები საქართველო” განცხადებას ავრცელებს:

“„უფლებები საქართველოს“ განცხადება 12 წლის გოგოს გარდაცვალების საქმეზე ფოტორობოტის გამოქვეყნებასთან დაკავშირებით
📌გარდაცვლილი ბავშვის დედის მიერ 26 დეკემბერს გავრცელებული ფოტორობოტი შექმნილია შსს საექსპერტო-კრიმინალისტური დეპარტამენტის მიერ 2023 წლის 20 სექტემბერს.
📌გვსურს საზოგადოებამ იცოდეს, რომ ფოტორობოტი არის მოწმეთა ჩვენებაზე დაყრდნობით შექმნილი დანაშაულის ჩამდენი სავარაუდო პირის სახის რეკონსტრუქცია და, ბუნებრივია, ის ვერ იქნება აბსოლუტურად ზუსტი.
📌 ამავდროულად, ხაზს ვუსვამთ იმ გარემოებას, რომ მხოლოდ ფოტორობოტის საფუძველზე პირის ბრალეულობის დადგენა ვერ მოხდება. შესაბამისად, აუცილებელია, საგამოძიებო ორგანოებმა მოიპოვონ და წარმოადგინონ მტკიცებულებების ერთობლიობა, რაც სავარაუდო დამნაშავის სისხლის სამართლის პასუხისგებაში მიცემის საფუძველი გახდება.
📌გარდა ზემოაღნიშნულისა, გვსურს საზოგადოებისთვის განვმარტოთ შემდეგი:
📌მიუხედავად იმისა, რომ ოჯახისა და გამოძიებისათვის ძალიან მნიშვნელოვანია საქმესთან დაკავშირებული ნებისმიერი სახის ღირებული ინფორმაცია, „უფლებები საქართველო“ სთხოვს საზოგადოების ყველა წევრს, მაღალი პასუხისმგებლობით მოეკიდოს აღნიშნული ფოტორობოტის საფუძველზე კონკრეტული ადამიანების სავარაუდო დამნაშავედ გამოცხადებას და თავი შეიკავოს საკუთარი ვერსიების საჯაროდ გავრცელებისგან”