პრაღაში, იან პალახის მოედანზე მდებარე კარლის უნივერსიტეტში გუშინ მომხდარი თავდასხმის შედეგად 14 ადამიანი დაიღუპა, ხოლო 30-მდე პირი დაშავდა. 24 წლის ჩეხმა სტუდენტმა ხუთშაბათს ცეცხლსასროლი იარაღით საკუთარი მამა მოკლა, შემდეგ კი პრაღის უნივერსიტეტში სროლა მოაწყო. პოლიციის ინფორმაციით, თავდამსხმელმა თავი მოიკლა.
ჩეხეთის შინაგან საქმეთა მინისტრმა, ვიტ რაკუსანმა განაცხადა, რომ სროლას საერთაშორისო ტერორიზმთან არანაირი კავშირი არ აქვს. მომხდართან დაკავშირებით ჩეხეთის მთავრობამ 23 დეკემბერი გლოვის დღედ გამოაცხადა.