ბრიტანელი სიუ და ნოელ რედფორდები ყველაზე მრავალშვილიანი ოჯახია დიდ ბრიტანეთში. სიუ 42 წლისაა ნოელი კი – 46-ის. მათ ახლახანს მე-20 შვილი შეეძინათ.
როგორც გამოცემა The Sun იტყობინება, სიუმ მტკიცედ გადაწყვიტა, რომ ეს მისი ბოლო შვილია.
„ჩვენ ბედნიერები ვართ, მაგრამ ამაზე შევჩერდებით. უცნაური განცდაა, როცა იცი, რომ შვილს აღარ გააჩენ, მაგრამ ნამდვილად ძალიან დავიღალე“, – განაცხდა სიუმ.
მათ ოჯახში ბავშვი თითქმის ყოველ წელს ჩნდება. წყვილს 11 ბიჭი და 9 გოგო ჰყავს.