ფონიჭალაში, ცოლად შერთვის მიზნით, არასრულწლოვანი გაიტაცეს. გავრცელებული ინფორმაციით, სკოლის მოსწავლე რამდენიმე პირმა საკუთარი საცხოვრებელი სახლიდან გაიტაცა.
ოჯახის ინფორმაციით, გამტაცებლები სახლში შეიჭრნენ და არასრულწლოვანი ძალის გამოყენებით გაიყვანეს. მშობლები ამბობენ, რომ მათი ქალიშვილი რამდენიმე თვის წინ ერთ-ერთ მამაკაცზე დაინიშნა, თუმცა, მოგვიანებით, ქორწინებაზე უარი თქვა.
როგორც “კურიერმა” გაარკვია, გატაცებული გოგოს ოჯახში სათვალთვალო ვიდეო-კამებია დამონტაჟებული, სადაც ჩანს, როგორ მოხდა გატაცების ფაქტი, რაც გამოძიებამ უკვე ამოიღო.
“ნიშნობა იყო 9 თვის წინ, მერე ერთმანეთში რაღაც ლაპარაკი ჰქონდათ და [გოგომ] არ მინდაო… [რადგანაც უარი უთხრა, ძალით წაიყვანა]” – აცხადებენ გატაცებული გოგოს ოჯახში.