“ვინც ამ კანონებს წერს და წესებს ადგენს, თვითონ ჩადგეს ჩვენს მდგომარეობაში”, – განაცხადა პროდიუსერმა, კახა მამულაშვილმა, კორონავირუსის პანდემიის გამო დაწესებულ შეზღუდვებზე საუბრისას “TV პირველის” ეთერში.
„მთავრობა თვითონ ჩადგეს ჩვენს მდგომარეობაში – აიღოს ის 200 ლარი, ან 6 თვეში 300 ლარი. დამიჯერეთ, სხვანაირად დაწერს კანონსაც და რეგულაციებსაც სხვანაირად გამოუშვებს…
პირველი ლოკდაუნის დროს სხვა სიტუაცია იყო. არ ვიცოდით, რა ვირუსი იყო და რისკფაქტორზე მივდიოდით. შემდეგ ჩვენც გაგვიჩნდა პასუხისმგებლობის გრძნობა. მთავრობაშიც უნდა იცოდნენ, რომ ადამიანებს სხვანაირი პასუხისმგებლობები აქვთ უკვე.
რა მინდა. იცით, ვთხოვო, ვინც ამ კანონებს წერს და წესებს ადგენს?- თვითონ ჩადგეს ჩვენს მდგომარეობაში. არ აიღოს თავისი ხელფასი და აიღოს ის 200- ლარიანი დახმარება. დამიჯერეთ, იმ კანონს სხვანაირად დაწერს და სხვანაირ რეგულაციებს გამოუშვებს. თვითონ თუ ჩადგება იმ სიტუაციაში, რაშიც ამდენი ადამიანია”, – განაცხადა კახა მამულაშვილმა.