„ძალიან მნიშვნელოვანია, რომ საზოგადოებამ კორონავირუსთან დაკავშირებული რეკომენდაციები შეასრულოს“, – ამის შესახებ ინფექციონისტმა ალექსანდრე გოგინავამ „ქრონიკას“ განუცხადა.
მისი თქმით, რაც არ უნდა სტაბილური ეპიდსიტუაცია გვქონდეს, რისკები მაინც არსებობს და აუცილებელია პირბადის ტარება, ფიზიკური დისტანცია და ჰიგიენური ნორმების დაცვა.
„თუ არ დავიცავთ რეკომენდაციებს, შეიძლება, ეპიდსიტუაცია გაუარესდეს“, – აღნიშნა ალექსანდრე გოგინავამ.