ბათუმის კულტურის ცენტრი სამწუხარო ინფორმაციას ავრცელებს:
“ქართულმა საგუნდო სკოლამ დიდი დანაკლისი განიცადა. გარდაიცვალა აჭარის ხელოვნების დამსახურებული მოღვაწე, ბათუმის დამსახურებული მოღვაწე ხელოვნების დარგში, ღირსების ორდენის კავალერი, ბათუმის კულტურის ცენტრის ვოკალური ანსამბლის დირიჟორი, არაერთი საერთაშორისო ფესტივალის ლაურეატი დავით აბულაძე.
დავით აბულაძემ განვლო ხანგძლივი შემოქმედებითი გზა. დიდია მისი ღვაწლი აჭარაში საგუნდო ხელოვნების განვითარების საქმეში. იგი მუშაობდა პროფესიულ და მოყვარულთა კოლექტივებში, ავთენტურ ანსამბლებში, შერეულ გუნდებში და ა.შ.
დიდია მისი წასვლით გამოწვეული მწუხარება, იგი დააკლდა არამარტო თავის ოჯახს არამედ მუსიკალურ საზოგადოებრიობას.
ბათუმის კულტურის ცენტრის თითოეული თანამშრომელი ვუსამძიმრებთ ოჯახს, ვუსურვებთ მშვიდობასა და ჭირთა დათმენას”