„ადმინისტრაციულ სამართალდარღვევათა კოდექსში“ დაგეგმილი ცვლილებების მიხედვით, დედაქალაქის საზღვრებში, დიდი გაბარიტების მქონე ტრანსპორტის მუნიციპალიტეტის მიერ დადგენილი ადგილის ან დროის დარღვევით მოძრაობაზე ადმინისტრაციული პასუხისმგებლობა მკაცრდება და არსებული ჯარიმები იზრდება.
ცვლილებების თანახმად, თბილისში, საერთო სარგებლობის საავტომობილო გზებზე, დიდი გაბარიტების მქონე სატრანსპორტო საშუალებების მუნიციპალიტეტის მიერ განსაზღვრული ადგილის ან დროის დარღვევით მოძრაობა პირველ შემთხვევაში გამოიწვევს დაჯარიმებას 1000 ლარის ოდენობით, ხოლო განმეორების და ყოველ შემდეგ შემთხვევაში – 3000 ლარის ოდენობით.
ზემოაღნიშნულ ცვლილებებს იურიდიულ საკითხთა კომიტეტი დღეს, მეორე მოსმენით განიხილავს.