INDEPENDENT-ის ინფორმაციით ლიბანის პრემიერმა 16 მილიონი დოლარი აჩუქა სამხრეთ აფრიკელ მოდელს, რომელთანაც სასიყვარულო ურთიერთობა აკავშირებდა.
საად ჰარირი, გამოჩენილი სუნიტური ლიდერია ახლო აღმოსავლეთის რეგიონში, რომელიც მეორე ვადით მართავს სახელმწიფოს. მედიის მიერ მოპოვებული ინფორმაციით პრემიერი მოდელ ქენდის ვან დერ მერვს შეხვდა სეიშელის კუნძულებზე.
20 წლის მოდელს ჰარირიმ 2013 წელს გადაურიცხა ფული. სამხრეთ აფრიკის საგადასახადო ინსპექციის მიერ ჩატარებული გამოკვლევით ნათელი გახდა, რომ გოგონას ანგარიშზე 15 299 965$-ია გადმორიცხულია ლიბანის ბანკიდან. ბრალდებებმა ძალზე უხერხული სიტუაცია შექმნა პრემიერ-მინისტრის გარშემო.
ლიბანში დღესდღეობით მძიმე ეკონომიკური კრიზისია, რის გამოც ქვეყანა აქციებმა მოიცვა ბოლო დღეების განმავლობაში. ჰარირის პირადი ბიზნეს კომპანიებიც დიდ ფინანსურ კრიზისს განიცდიან. გავრცელებული ინფორმაციით, პრემიერმა მისი ტელევიზია დახურა ფინანსური დავალიანებების გამო, რის გამოც ასეულობით ადამიანი უმუშევარი დარჩა. მისი კიდევ ერთი კომპანია გაკოტრდა 2017 წელს, რომლის შედეგადაც ათასობით ადამიანმა დაკარგა სამსახური.
2013 წელს სამხრეთ აფრიკელ მოდელს ჰარირმა 250 000 $-ის ღირებულების ორი მანქანა აჩუქა, რამდენიმე თვის შემდეგ კი 15 მილიონი $ ჩაურიცხა პირად ანგარიშზე.