გადაცემა “ფარული კონვერტის” სტუმარს, ინდირა ჯგერნაიას, წამყვანმა ქუთაისში, ერთ-ერთ რესტორანში მომხდარი ინციდენტი გაახსენა. როგორც გაირკვა, წლების წინ მომღერალმა მამაკაცი სცემა. ინიდენტს შეესწრო ჟურნალისტი დათო ლიკლიკაძე:
“დაახლოებით 2007 წელი იყო და მაშინ ინდირა მღეროდა ქუთაისის რესტორანში. მე მეგობრის ბავშვის ნათლობას ვესწრებოდი. ინდირა მაშინ ასე ცნობილი არ იყო, მაგრამ მე ვიცნობდი როგორც ნიჭიერ მომღერალს.
მოკლედ, ერთ-ერთი სიმღერის დროს ინდირას ვიღაც კაცმა აგდებულად რაღაცა მიაძახა ჟარგონზე. დაამთავრა თუ არა სიმღერა, ინდირა ჩამოვიდა სცენიდან, მივიდა ამ კაცთან, მოუქნია მუშტი და ისეთი დაადო, კაცის დარტყმული არ მინახია ეგეთი… გაითხლაშა კიდეც ის კაცი ადგილზე”, – გაიხსენა შემთხვევა დათო ლიკლიკაძემ.