“ავერსის” კლინიკიდან 3 პატიმრის გაქცევის საქმეზე ბადრაგი დააკავეს. ცნობილი გახდა, რომ ის 37 წლის ივერი ნატრიაშვილია. უცნობია აღიძვრება თუ არა საქმე სხვა ბადრაგების წინააღმდეგ.
რაც შეეხება გაქცეულ პატიმრებს, ერთ-ერთი დაკავებული ნიკა თოიძეა, რომელიც სასჯელს ორი წლის წინ მომხდარი დაჭრის საქმეზე იხდის.
მეზობლები კი ადასტურებენ, რომ გვიან ღამით პოლიცია მუშაობდა ადგილზე.
“ავერსის” კლინიკიდან 3 პატიმარი 1-ელ ნოემბერს გაიქცა. გამოძიება იუსტიციის სამინისტროს გენერალურმა ინსპექციამ 379-ე მუხლით დაიწყო, რაც პენიტენციური დაწესებულებიდან გადაყვანისას, მსჯავრდადებულების ჯგუფურად გაქცევას გულისხმობს.
წყარო – “კურიერი”