პატიმრების გაქცევის საქმეზე ბადრაგი დააკავეს. ინფორმაციას აღნიშნულის შესახებ “კურიერი” ავრცელებს.
მათივე ცნობით, გაქცეული პატიმრები გლდანის პენიტენციური დაწესებულებიდან იყვნენ.
“ავერსის” კლინიკიდან 3 პატიმარი 1-ელ ნოემბერს გაიქცა. გამოძიება იუსტიციის სამინისტროს გენერალურმა ინსპექციამ 379-ე მუხლით დაიწყო, რაც პენიტენციური დაწესებულებიდან გადაყვანისას, მსჯავრდადებულების ჯგუფურად გაქცევას გულისხმობს. მუხლი 6-დან 8 წლამდე პატიმრობას ითვალისწინებს.