მიუხედავად “ბილბაოსთან” გაშვებული ორი გოლისა, გიორგი მამარდაშვილი მატჩის MVP-დ დაასახელეს, ლა ლიგის მე-11 ტურის სიმბოლურ გუნდში შეიყვანეს და ტურის საუკეთესო მეკარედ აღიარეს. ამას გარდა, “ვალენსიას” კარის დარაჯის მიერ მე-60 წუთზე დანი გარსიას დარტყმული ბურთის მოგერიება ტურის TOP 5 სეივს შორის მოხვდა.
2 ნოემბერს “ვალენსია” თასზე გასვლაზე სეგუნდა დივიზიონის “ლოგრონესს” შეხვდება და დიდი ალბათობით, მამარდაშვილი მიმდინარე სეზონში პირველად არ ითამაშებს. მწვრთნელმა რუბენ ბარახამ გადაწყვიტა, გიორგი დაასვენოს და მის ნაცვლად შანსი ხაუმე დომენეკს მისცეს.
წყარო – sportall.ge