მასშტაბური ძარცვა თბილისის ცენტრში. თბილისში, ჭავჭავაძის 37 ნომერში, ლომბარდი დააყაჩაღეს. შემთხვევა გუშინ, 30 ოქტომბერს საღამოს საათებში მოხდა. ლომბარდ “ტონვექსიდან” წაღებულია განსაკუთრებით დიდი რაოდენობით თანხა. საუბარია დაახლოებით 800 ათას აშშ დოლარზე. მედიაში გავრცელებული ინფორმაციით ლომბარდი რუს ბიზნესმენებს ეკუთვნის. ერთ-ერთი ჯგუფის წევრებმა 800 ათასი დოლარი გაიტაცეს. ძარცვამ ზედმეტი ხმაურის გარეშე ჩაიარა – მოწმეები ყვებიან, რომ სროლა არ ყოფილა, და იყო მხოლოდ რამდენიმეწუთიანი დაძაბული დაპირისპირება დაჯგუფებებს შორის.
წინასწარი ვერსიით, ერთი ჯგუფის წევრებმა ელექტრონული ფული გაანაღდეს და თავდასხმაც ამ დროს მოხდა. პოლიცია ადგილზე მთელი საღამოს განმავლობაში მოშაობდა, მაგრამ ჩვენივე წყარო გვატყობინებს, რომ კრიმინალური ჯგუფები შინაგან საქმეთა სამინისტროს უმაღლესი ჩინების მფარველობით სარგებლობენ და პოლიცია მათ პრობლემებს ვერ შეუქმნის.
წყარო:მთავარი არხი