პარიზში, სასტუმრო “შატლეში”, “ოქროს ბურთის” გადაცემის ცერემონიალი გაიმართა. 30 საუკეთესო ფეხბურთელს შორის საქართველოს ნაკრების გარემარბი ხვიჩა კვარაცხელია და მისი თანაგუნდელი ვიქტორ ოსიმენი იყვნენ დასახელებული. “ოქროს ბურთის” დაჯილდოების ცერემონიალზე ხვიჩა სწორედ მეუღლესთან ერთად მივიდა.
საღამოს ისეთი ცნობილი ვარსკვლავები ესწრებოდნენ, როგორებიც ლიონელ მესი, კილიან მბაპე, ერლინგ ჰოლანი და სხვები არიან. ცერემონიალზე განსაკუთრებული ყურადღება სტუმრების ჩაცმულობასაც ექცევა – ისინი ცდილობენ, შერჩეული “ლუქით” საკუთარ გემოვნებასა და რეპუტაციას გაუსვან ხაზი. ამის მაგალითია დევიდ ბექჰემი, რომელიც დაჯილდოებას Dior-ის კლასიკური სამოსით დაესწრო. მან და კილიან მბაპემ ერთი და იგივე სამოსი მოირგეს, განსხვავება მხოლოდ ფერი იყო.
რაც შეეხება ოქროს ბურთის მფლობელს, მესიმ Louis Vuitton მოირგო.
როგორც აღმოჩნდა, ქართველმა ვარსკვლავმა ამ შემთხვევაშიც შეინარჩუნა საკუთარი უბრალოება და თავმდაბლობა. მისი სამოსი არ ყოფილა რომელიმე ცნობილი ბრენდის ვიტრინებიდან, თუმცა მოახერხა, რომ დახვეწილი და ელეგანტური იმიჯი შეექმნა და შესანიშნავად გამოიყურებოდა. ხვიჩა კვარაცხელიას მეუღლეს კი Alex Perry-ის შავი სადა კაბა ეცვა. მათ ზედმეტი პომპეზურობის გარეშე მოახერხეს, რომ იდეალურად წარმდგარიყვნენ ათასობით მაყურებლისა და გულშემატკივრის წინაშე.