მედეა ლორთქიფანიძე ყველასთვის საყვარელი მსახიობია. მან ჟურნალ „თბილისელებთან“ ისაუბრა და გაიხსენა, როგორ დაკარგა ქონება მეგობრის გამო:
“ჩემმა მეგობარმა, რომელიც 24 საათი ჩემთან იყო, ჩემთან სვამდა და ჭამდა, როცა კარგი ცხოვრება მქონდა, ფული გამომატანინა ბანკიდან. ერთად ვართ გაზრდილები და უარს როგორ ვეტყოდი. მითხრა, ნელ-ნელა გადავიხდიო, მაგრამ ორი თვის შემდეგ მითხრეს, რომ ფული არ შეჰქონდა. დაჰკრა ფეხი და წავიდა. ახლა საფრანგეთში ცხოვრობს. რომ მოვიდეს და დამიჩოქოს ტირილით, რა ვქნა, ვაპატიებ, მაგრამ ყველაფერი დავკარგე. აგარაკიც გავყიდე, რადგან ვალები დამედო. ბახტრიონზე ჩემი სახლიც გავყიდე და ელიავაზე ოთახნახევრიანი ვიყიდე…“ – იხსენებს მედეა ლორთქიფანიძე.
