პოლიტიკური გაერთიანება „ტრიბუნას“ ლიდერი, დავით ჭიჭინაძე, სოციალურ ქსელში, წერს და აღნიშნავს, რომ შეზღუდვები გაურკვეველი ვადით გაგრძელდება, რადგან მთავრობა 28 თებერვლიდან კიდევ 6 თვის განმავლობაში აპირებს მოსახლეობის ფულადი დახმარების გაგრძელებას.
„ქართულმა ოცნებამ“ თებერვლამდე რომ გადადო შესვლა – არშესვლის ამბავი, აი მაშინვე უნდა გავლებულიყო წითელი ხაზი მათთან, ვინც ოპოზიციიდან ეს თემა არ ჩახსნა.
მართლა აუტანელი გახდა ხალხისთვის იმ რეჟიმით ცხოვრება, როდის რა ხასიათზე გაიღვიძებს X პოლიტიკოსი!
და სანამ ბიძინა მართლა წავიდა-არწავიდაზე, ალეკო შევიდა-არშევიდაზე ვმკითხაობთ, ამასობაში ე.წ. პრივილეგირებულთა სახელმწიფოში შევედით და ეს ფაქტია!
რიგით ადამიანებს ჩამოართვეს ის, რაც კონსტიტუციით ყველასთვის ბოძებულია;
ვიღაცეების ახირების გამო, ტრანსპორტმა არ უნდა იმოძრავოს, სამსახურები უნდა დაიხუროს, ეკონომიკა დაიქცეს, უნდა გაგვამათხოვრონ;
სახელმწიფო „მოწყალების“ პროგრამით, 28 თებერვლიდან კიდე 6 თვე აპირებენ ფულის დარიგებას, რაც ნიშნავს იმას, რომ შეზღუდვები გაურკვეველი ვადით გრძელდება;
ეს ყველაფერი კი, მხოლოდ იმ მცირე ჯგუფს სიამოვნებს, ვინც ამ შეზღუდვების დროს სარგებლობს პრივილეგიებით, ქონებას იასმაგებს და სახელმწიფოსთან, ქვეყანასთან არანაირი ბმა არ აქვს, სამაგიეროდ საკუთარი მოსახლეობის დამსჯელად გადაიქცა“,- წერს ჭიჭინაძე.