ჟურნალისტი გიგა მაქარაშვილი სოციალური ქსელით პრეზიდენტ სალომე ზურაბიშვილს მიმართავს.
„ლაზარე მაინც შეიწყალე სანამ კუთვნილ ადგილს მოგიჩენენ ნაგვის ურნაში“, – წერს ის.
შეგახსენებთ, საუბარია ლაზარე გრიგორიადისზე, რომელიც 7-8 მარტის დემონსტრაციების შემდეგ დააკავეს. მას სამართალდამცავებისთვის ე.წ. მოლოტოვის კოქტეილის სროლად ედავებოდნენ, თუმცა პატიმრობა მამის დაჭრის გამო მიუსაჯეს.
ამასთან, პრეზიდენტ სალომე ზურაბიშვილის იმპიჩმენტის საკითხთან დაკავშირებით საკონსტიტუციო სასამართლოს ვერდიქტი ცნობილია.
მოსამართლეთა კოლეგიის უმრავლესობის მიერ ხელმოწერილი დასკვნით, საქართველოს მეხუთე პრეზიდენტმა კონსტიტუცია დაარღვია.
გადაწყვეტილება საკონსტიტუციო სასამართლოს თავმჯდომარემ, მერაბ ტურავამ რამდენიმე წუთის წინ წინ გამოაცხადა.
9 მოსამართლიდან გადაწყვეტილებაზე განსხვავებული პოზიცია ჰქონდათ – ირინე იმერლიშვილს, გიორგი კვერენჩხილაძესა და თეიმურაზ ტუღუშს.
კოლეგიის გადაწყვეტილება ახლა უკვე პარლამენტში გადაიგზავნება, სადაც დეპუტატები პრეზიდენტის იმპიჩმენტზე იმსჯელებენ. პრეზიდენტის თანამდებობიდან გადასაყენებლად “ოცნებას” 100 დეპუტატის ხმა დასჭირდება.