საავტომობილო გზების დეპარტამენტის ინფორმაციით, დღეს, 11:00 სთ-დან 18:00 სთ-მდე, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზის კმ27-კმ60 (სოფ. სასადილო – სოფ. სიონის გადასახვევი) მონაკვეთზე ყველა სახის ავტოტრანსპორტის მოძრაობა იკრძალება.
გზის აღნიშნულ მონაკვეთზე სარეაბილიტაციო სამუშაოები მიმდინარეობს, რისთვისაც დროის გარკვეულ პერიოდში საჭიროა ავტოტრანსპორტის მოძრაობის შეზღუდვა. დღე-ღამის დანარჩენ პერიოდში ავტოტრანსპორტის მოძრაობა თავისუფალია.