მართლმადიდებელი ეკლესია დღეს ჯვართამაღლებას აღნიშნავს. ტაძრებში საზეიმო წირვა შესრულდება. ის ყოველი წლის 27 სექტემბერს აღინიშნება და მოციქულთა სწორი იმპერატორის, კონსტანტინე დიდის სახელს უკავშირდება.
საეკლესიო გადმოცემით, 326 წელს წმინდა კონსტანტინემ და იმპერატორის დედამ, წმინდა ელენემ იერუსალიმში უფლის ცხოველმყოფელი ჯვარი მოიძიეს, რომელიც 300 წლის განმავლობაში მიწაში იყო დამარხული. იერუსალიმის პატრიარქმა კი ჯვარი ყველას თვალწინ აამაღლა.
საქართველოს საპატრიარქოს საზოგადოებასთან ურთიერთობის სამსახური აქვეყნებს ვიდეოს არქივიდან, რომელშიც პატრიარქი ჯვართამაღლების დღესასწაულთან დაკავშირებით მრევლს მიმართავს.