🎥 “…ზუსტად ვიცი, რომ სადღაც ღრმად ამ სიჩუმეში ისევ ისმის შენი ხმა” – დიანა ღურწკაია გარდაცვლილ ქმარს ემოციურ პოსტს უძღვნის

რუსეთში მოღვაწე ქართველ მომრერალს დიანა ღურწკაიას ცოტა ხნის წინ მეუღლე გარდაეცვალა.

რუსულ მედიასთან  mk.ru-სთან მისმა ძმამ რობერტ ღურწკაიამ განაცხადა, რომ დიანას მეუღლის სიკვდილთან შეგუება უჭირს.

ახლახანს მომღერალმა სოციალურ ქსელში ემოციური პოსტი და ვიდეო განათავსა, რომელის მის გარდაცვლილ მეუღლეს მიუძღვნა:

“18 წლის წინ ჩვენ ვუთხარით “დიახ” ერთმანეთს ღმერთის წინაშე. ეს სიტყვები აგრძელებს ჟღერადობას, სძლევს დროს, სივრცეს, სძლევს დუმილს და ტკივილს.

4 თვე გავიდა რაც აქ არ ხარ. ძნელი მისაღებია, ძნელია ცხოვრება. არასოდეს დავიჯერებ, რომ სამზარეულოში დილის შეკრებები, მოულოდნელი, უმიზეზო თაიგულები აღარ იქნება, ვერასდროს გავიგებ „როგორ ხარ“-ს. არასოდეს – საშინელი სიტყვაა.

ყოველდღე მადლობელი ვიქნები იმ ბედნიერებისთვის, რაც შენ მაჩუქე, ჩვენი შვილისთვის. ყოველთვის მეყვარები. ყოველთვის.

და ზუსტად ვიცი, რომ სადღაც ღრმად ამ სიჩუმეში ისევ ისმის შენი ხმა.” – წერს ღურწკაია

 

View this post on Instagram

 

A post shared by Диана Гурцкая (@diana.gurtskaya.official)

შეგახსენებთ, რომ პიოტრ კუჩერენკო 46 წლის ასაკში მოულოდნელად გარდაიცვალა. კუჩერენკო კუბაში საქმიანი ვიზიტით იმყოფებოდა, უკან დაბრუნების დროს კი გარდაიცვალა. კუჩერენკომ თვითმფრინავში თავი ცუდად იგრძნო, რის გამოც თვითმფრინავი სხვა ადგილას დაეშვა. მას დახმარება აღმოუჩინეს, თუმცა გადარჩენა ვერ მოხერხდა.