ბევრისთვის ძნელი წარმოსადგენია დღის განმავლობაში კვება წვნიანის გარეშე, განსაკუთრებით კი ზამთარში, როცა ცხელი კერძი განსაკუთრებით სასიამოვნოა. ბევრ ოჯახში წვნიანის მომზადება ერთგვარი რიტუალიც კია, თუმცა, მომზადებასთან ერთად, ძალიან მნიშვნელოვანია, ვიცოდეთ, როგორ შევინახოთ ის სწორად მეორე დღისთვის, რომ მისი სასარგებლო და სასიამოვნო საკვებიდან სახიფათო ჯერძად არ ვაქციოთ.
წვნიანის შენახვის წესები
ბევრმა ჩვენგანმა არც კი იცის ამის შესახებ, მაგრამ წვნიანის არასწორად შენახვის მავნე ჩვევა შეუმჩნევლად, მაგრამ რეგულარულად აზიანებს ჩვენს ჯანმრთელობას. მიუხედავად იმისა, რომ ყველა პროდუქტი მაღალი ხარისხისაა და შეფუთვაზე მითითებული ვარგისიანობის ვადა მკაცრად არის დაცული, კერძმა მაინც შეიძლება გამოიწვიოს პრობლემები – საჭმლის მონელების დარღვევა, სისუსტე, შებერილობა და სხვა უსამოვნო შეგრძნებები შეიძლება იყოს წვნიანის არასათანადოდ შენახვის შედეგი.
იცოდით, რომ მოხარშული ბოსტნეული იდეალური ადგილია ბაქტერიებისთვის? ტენიანობა, ფოროვანი ტექსტურა და საკვები ნივთიერებების სიმრავლე ხელს უწყობს მიკროორგანიზმების სწრაფ გავრცელებას.
ამიტომ, ექიმები სუპებს რისკ ჯგუფად ასახელებენ. ბევრისთვის საყვარელი ბორში და კომბოსტოს წვნიანები სწორედ ამ კატეგორიას მიეკუთვნებიან! იმისთვის რომ საფრთხე აირიდოთ, გაითვალისწინეთ, რომ წვნიანის შენახვის მაქსიმალური ვადა ორი დღეა, თუმცა რამდენიმე დეტალის გათვალისწინება ამ ორი დღის მანძილზეც მოგიწევთ:
მას შემდეგ, რაც წვნიანი გაცივდება, ის დაუყოვნებლივ უნდა შეინახოთ მაცივარში. ოდნავი დაყოვნებაც კი სწრაფად შეამცირებს შენახვის ვადას. მაშინაც კი, თუ ოჯახის წევრს ან მეგობრებს ელოდებით და თვლით, რომ სადილს არაფერი მოუვა, თუ ქურაზე დატოვებთ, იცოდეთ, რომ ცდებით. კიდევ ერთი მნიშვნელოვანი დეტალია, გააცხელოთ წვნიანი არა მთლიანი ქვაბით, არამედ გადაიტანოთ ის პატარა ჭურჭელში და გააცხელოთ მხოლოდ საჭირო რაოდენობა.
განსაკუთრებულ ყურადღებას იმსახურებს ბორშჩი. უნდა იცოდეთ, რომ თუ წვნიანი მთლიანად მცენარეულია, მისი შენახვა შესაძლებელია არაუმეტეს ერთი დღის განმავლობაში. ტრადიციულ ბორშჩში საკმაოდ ბევრი ბოსტნეულია, მისი ვარგისიანობის ვადა გაიზრდება, თუ ამ ბოსტნეულთან ერთად ხორცის ზომიერად ცხიმიან ნაჭერსაც გამოიყენებთ. ცხიმი მოქმედებს როგორც ბუნებრივი კონსერვანტი.
იდეალური იქნება, თუ წვნიანის იმ რაოდენობას მოამზადებთ, რომელსაც მომზადების შემდეგვე მიირთმევთ და მისი შენახვა და გაცხელება არ დაგჭირდებთ. ასე სადილი უფრო გემრიელიც იქნება და ჯანსაღიც, მაგრამ თუ ამის დრო არ გაქვთ და გიწევთ, რამდენიმე დღის სამყოფი მოამზადოთ, ეცადეთ, დაიცვათ ზემოთ ჩამოთვილი წესები და გაუფრთხილდეთ როგორც საკუთარ, ისე ოჯახის წევრების ჯანმრთელობას.
წყარო:მარაო