გურიაში, სტიქიის ზონაში, მეხანძრე-მაშველები, საგანგებო რეჟიმში მუშაობას განაგრძობენ. გვიან საღამოს ლანჩხუთის მუნიციპალიტეტის სოფელ წიაღუბნიდან – 7 მოქალაქის გამოყვანა მოხდა. სასტუმროში გადაყვანილია 110 ადამიანი, ხოლო მეხანძრე-მაშველების მიერ უსაფრთხო ადგილზე გადაყვანილია ორასზე მეტი მოქალაქე.
სამაშველო ოპერაციაში ჩართულები არიან ადგილობრივი თვითმმართველობის წარმომადგენლებიც. რეგიონში მობილიზებულია მძიმე ტექნიკა და ცოცხალი ძალა, ინტენსიურ რეჟიმში მიმდინარეობს დამეწყრილი ადგილების გაწმენდითი სამუშაოები.