საზოგადოებრივი მაუწყებლის აჭარის ტელევიზიის, საინფორმაციო გამოშვების ყოფილი წამყვანი ზურაბ ჭკუასელი გარდაიცვალა – ინფორმაციას აჭარის ტელევიზია ავრცელებს.
ჭკუასელმა აჭარის ტელევიზიაში მუშაობა 1992 წელს დაიწყო და 10 წელზე მეტი ხნის განმავლობაში ტელევიზიის სახე იყო. მან მაყურებელს თავისი გამორჩეული და მშვიდი ინტონაციით შეაყვარა თავი.
ტელევიზიის შემდგომ, საქმიანობა ტურიზმის დეპარტამენტში გააგრძელა, 2015 წელს კი “საუკეთესო გიდი” გახდა.