ჟურნალისტმა თეონა ცხომელიძემ დაჯგუფება „ვაგნერის“ აწ უკვე ყოფილი ხელმძღვანელის, ევგენი პრიგოჟინის, შესახებ სოციალურ ქსელში პოსტი გამოაქვეყნა.
„რუსულმა მედიამ ახალი ვერსია დადო,
იქნებ როგორმე უკრაინის სპეცსამსახურებს შეეტენოს.
პრიგოჟინს ბოლო წამს თვითმფრინავში სასაჩუქრედ შეფუთული ღვინის ყუთი მიუტანესო.
არც უცხო ყუთს და არც ღვინოს ბორტზე არ აიტანდა, და რომც აეტანა აუცილებლად გადაამოწმებდა მშვენივრად იცოდა ბომბზე რომ იჯდა. უსაფრთხოებაზე პასუხისმგებელი მოადგილეც იქ ჰყავდა. მაგის ჩიტი იყო ეჭამა.
ჩვეულებრივად ჩამოაგდო საჰაერო თავდაცვამ, კაჩინსკი ჩამოაგდო, მალაიზიის ბოინგი და შერჩა პუტინს, ჰოდა პრიგოჟინზე ვინ მოთხოვს გამოძიებას და პასუხს? და დიდად არც ენდომება კვალის მიჩქმალვა – ერთს ჭკუა ასწავლა და დანარჩენებს გაკვეთილი ჩაუტარა. მისი სტილია.”, – წერს ის.
შეგახსენებთ, გუშინ გავრცელდა ინფორმაცია, რომ დაჯგუფება „ვაგნერის“ მეთაური ევგენი პრიგოჟინი, რომელიც ამ ზაფხულს მარშით გაემართა მოსკოვისკენ, ავიაკატასტროფაში დაიღუპა.
23 ივნისს პრიგოჟინმა რუსეთის თავდაცვის სამინისტრო ვაგნერელების ბანაკზე თავდასხმაში დაადანაშაულა და სამხედრო ამბოხი დაიწყო. 23-24 ივნისს ვაგნერმა როსტოვისა და ვორონეჟის სამხედრო ობიექტები დაიკავა და მოსკოვს მიუახლოვდა, თუმცა ლუკაშენკოს შუამავლობით გამართული მოლაპარაკებების შემდეგ, პროგოჟნმა ამობხი შეწყვიტა და დაკავებული ქალაქებიდანაც გავიდა, სანაცვლოდ კი რუსეთში მის წინააღმდეგ აღძრული საქმე შეწყდა.
ბოლო დღეებში პრიგოჟინმა გაავრცელა ვიდეო, სადაც ამბობდა, რომ აფრიკაში იმყოფებოდა.