“ჩვენი შვილების სიკვდილი ვის კისერზეა?“ – ბაია პატარაია

უფლებადამცველი ბააია პატარაია წყნეთში მომხდარი ტრაგედიის შესახებ სოციალურ ქსელში წერს:

“წარმოუდგენელია, რომ ბავშვები გვიკვდება სკვერში და შადრევანში დენის დარტყმით. არასდროს არავინ ისჯება. ტუტუცი მერი ვერ გრძნობს პასუხისმგებლობას. ვისი პასუხისმგებლობაა ელემენტარული უსაფრთხოება? რომ ამოიყორეთ მუცლები ატკატებით და გაყიდული ტენდერებით ქოცებმა, უსაფრთხოება ვის დაუტოვეთ???

მაინცდამაინც შენი შვილი უნდა მოკვდეს, რომ უსაფრთხოებას მიხედო ქალაქში?! ჩვენი შვილების სიკვდილი ვის კისერზეა? კორუმპირებული ჩინოვნიკების კისერზეა ამ ბავშვების სიკვდილი, რადგან ყიდიან ტენდერებს, ყიდიან სინდისს და ნამუსს ოღონდ კი გამდიდრდენ და რის ფასად, არც აინტერესებთ“ – წერს პატარაია.

ცნობისთვის, წყნეთში დენის დარტყმის შედეგად 16 წლის ბიჭი დაიღუპა. უბედური შემთხვევა ე.წ სამთავრობო ზონაში მოხდა.