1 აპრილს, ტელეწამყვანმა გიორგი ჯაჯანიძემ სოციალურ ქსელში შემდეგი სახის პოსტი გამოაქვეყნა:
“ღმერთო, როგორ გათამამდებიან ხოლმე ადამიანები, ან წარმატებას რომ მიაღწევენ, ან თანამდებობას რომ მიიღებენ. სახე ეკარგებათ, წარსული მთლიანად ავიწყდებათ, გამომეტყველებაც ეცვლებათ, ,,გემოვნებაც” აზროვნებაც” და მიდგომებიც ცხოვრებაზე. მკაცრები ხდებიან, ამაყები და პრინციპულები.
დღეს, შემთხვევით ნაცნობი შემხვდა ბაზრობაზე, ადამიანის სახე დაბრუნებოდა, გამომეტყველებაც ძველებური ჰქონდა, კეთილი. ძალიან თბილად შემხვდა, მომეფერა და მომიკითხა. ერთი კი გავიფიქრე, ნეტავ, ხომ არ გაათავისუფლეს თანამდებობიდან, ასე თბილად რატომ იღიმება-მეთქი. კი, მართალი აღმოვჩნდი.
გულითადი საუბარი გვქონდა, ბევრ რამეს ნანობდა, მე კი ვაპატიე, მაგრამ ამდენი უკმაყოფილო ადამიანი როგორ აპატიებს არ ვიცი.
ძალიან ბედნიერი ვარ, რომ ჩემს წარმატებას არასოდეს შეუცვლივარ.
მიყვარხართ.
P.S. უნებართვოდ არ დამიწერია ეს ყველაფერი, დავპირდი სახელს და გვარს არ დავწერდი და არავის ვეტყვი, სტატუსისთვის მჭირდება, იქნებ სხვებმაც გაითვალისწინონ-მეთქი. შენ უკეთ იციო და გადამეხვია
გულში გავიფიქრე: შენ კიდევ ახვალ სიმაღლეზე, თან ძალიან გონება გახსნილი და წინდახედული იქნები”, – დაწერა გიორგი ჯაჯანიძემ “ფეისბუქი”-ს პირად გვერდზე.